«Менің кішкентай балалық тілегім». «Отырар» телеарнасының және «Рабат», «Оңтүстік Рабат» басылымдарының ұжымы мен Қауысбек Тұрысбеков атындағы жеке қайырымдылық қоры «Менің кішкентай балалық тілегім» акциясына қатысты. Әріптестерімізбен бірге Төлеби ауданындағы тілінің кемістігі бар балаларға арналған көмекші мектеп-интернатына арнайы барып, балалардың хатқа жазған армандарын орындауға тырыстық.
[youtube]http://www.youtube.com/watch?v=aqnSSilN6Ac[/youtube]
Бақтияр Тілеуқабылов, Қ.Тұрысбек атындағы жеке қайырымдылық қорының вице-президенті: «Жуырда біздің қайырымдылық қоры үлкен бағдарлама әзірлеп отыр. Бұл олардың бала қиялын жүзеге асырады деп ойлаймыз. Әсіресе, өнерлі жеткіншектерге көп көмегі болады деген сенімдеміз.»
Сарбиназ Алдабергенова, «Отырар» ТА режиссері: «Менің кішкентай балалық тілегім» акциясы дегенді ести сала біз бірауыздан қатысуға келісе кеттік. Ұжымымыздың әкімшілігі де белсенділік танытып, хатта жазылған тілектерді жинақтай бастадық. Спорт редакциясы спорттық жабдықтарды жеткізді. Міне, осылай балалардың арман-тілектерінің орындалуына үлесімізді қосып отырмыз. Алдағы уақытта да біздің ұжым мұндай қайырымдылық шаралардан шет қалмайды.»
Зүбира Айтуғанова, Леңгірдегі тілінде кемістігі бар балаларға арналған көмекші мектеп-интернатының директоры: «Біз ең алдымен үлкен тәрбиелік мағынаға назар аударамыз. Балаларды сахнаға, өнерге бейімдейміз. Бұл арқылы олардың дыбысты дұрыс қоюы қалыптасады. Екіншіден, саусақ тамырларын қимылдату, яғни, қолөнерді меңгереді. Мұның сәбилердің анық сөйлеуі үшін үлкен септігі бар.»
