Шымкенттегі дүкендердің бірінде жұма сайын тегін нан таратылады. Еркін Ахметовтың «Мехруз» атты азық-түлік дүкені аса үлкен емес. Мұнда бір залда азық-түлік тауарлары мен күнделікті тұрмысқа қажетті заттар сыйып тұр. Бір қарағанда өзге дүкендерден ерекшелігі жоқ.
Дегенмен, әр аптаның жұмасы күні мұнда осы ауданның түкпір-түкпірінен адамдар келеді. Себебі, бұл күні таңертеңнен кешке дейін осы дүкеннен тегін нан алуға болады.
Дүкен иесі бұл қайырымдылығын 1 қаңтардан бастаған. Себебін ашып айтқысы келмегендей. «Біз тауып отырған табысымыздың бір бөлігін осындай қайырымдылыққа жұмсауды шештік» дейді Еркін. – Ал жұманы таңдаған себебіміз, бұл күн – мұсылмандар үшін қасиетті күн. Бірақ, біз адамдарды дініне қарап бөлмейміз. Жұма күні кім келсе де тегін нан алып кетеді.»
Кәсіпкердің айтуынша, акция басталғаннан тегінге құмартқандар күрт көбейіпті. Сол үшін бір адамға екі бөлкеден артық бермеуді шешіпті. Әйтпесе, он, тіпті, жиырма нан алғысы келетіндер болған екен. Алайда, сиыры мен итіне нан бергісі келгендер сатып алсын, ал мұқтаждарға тегін нан жетсін» деп шешім қабылдайды дүкен иесі.
– Бүгінде жағдай біраз қалыпқа келді, – дейді дүкен иесі. – Біз өз клиенттерімізді танып қалды. Дегенмен, аздап бұрын көрмеген адамдар да келіп тұрады. Халық арасындағы әңгіме жатпайды ғой. Таңертеңгі 9-дан кешкі 9-ға дейін 300-400 бөлке нан таратамыз.»
Бір қызығы, жұма күні дүкенге келгендердің барлығы бірдей тегін нан алып кетпейді екен. Өзін көмекке мұқтажбын деп есептемейтіндер бөлке нан үшін 40 теңге төлеп кетеді.
Айта кету керек, дүкенімізде жеке наубайханамыз жоқ дейді иесі. Нанды көтерме бағада жеткізетіндерден 35 теңгеден сатып алады. Дүкен иесінің айтуынша, биліктің нан бағасын ұстап тұрудан бас тартқанынан қарамастан әзірге ас атасының бағасы қымбаттамапты.
Қазіргі таңда «Тегін нан» акциясына қаладағы бірнеше мекеме де өз үлесін қосуды ұйғарып отыр. Жергілікті фирмалардың бірі де аптаның бір күнін таңдап, сатушыларын тегін маймен қуантпақ екен. Қазір дүкен иелері сауда өкілдерімен келісуде.
