Күнгейден Ақтөбеге керуен аттанды

Ақтөбеге тарту. Күнгейлік диқандардың алғашқы өнімдері тиелген керуен Ақтөбеге жол тартты. 175 тонна ауыл шаруашылығы өнімі артылған керуен 26-27 наурыз күні діттеген жеріне жетіп, жәрмеңкеге қатысады деп күтілуде.

Керуен көшіне тартылған ауыр жүк көліктеріне 32 тонна ет, 5 тонна қымыран, 76 тонна көкөніс, 19 тонна жеміс, 14 тонна картоп, 9 тонна сүт өнімдері тиілген. Жалпы құны 83 миллион теңгеден астам қаржыны құрайтын өнімдер нарықтағы бағадан 10-15 пайызға арзан сатылады.

Аграрлардың айтуынша, күнгей — ауыл шаруашылығы өнімдерінің кіндігі. Өңір бойынша 45 ет, 38 сүт, 35 жеміс-көкөніс өнімдерін қайта өңдеу кәсіпорыны жұмыс істейді. Облыс халқының қажеттілігінен артық өнім өндіріліп, республикамыздың солтүстік өңірлері мен ТМД елдеріне, сонымен қатар алыс-жақын шетелдерге экспортқа шығарылуда.

Тұрғанбек Оспанов, ОҚО ауыл шаруашылығы басқармасы басшысының орынбасары: «Мұндай жәрмеңкелерге облысқа қарасты барлық аудан-қала әкімдіктері атсалысады. Мысалы, Ордабасының құс еті мен жұмыртқасы, Қазығұрттың еті, Отырардың қымыраны жәрмеңкенің сәнін кіргізеді. Тауар өндірушілер жеңілдетілген жәрмеңкеден қашпайды. Қайта, тонналап өнімдерін ұсынуда.»

vlcsnap-2016-03-24-14h19m13s0

Өткен жылы күнгейлік диқандардың өнімі Алматы және Астана қалаларында сатылған. Ауыл шаруашылығы өнімін саудалаған 195 жәрмеңке өтіп, 6 567 тонна жеміс жидек пен көкөніс сатылған.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР