Кенеге қарсы залалсыздандыруға дәрі әлі жоқ

Кенеден сақ болыңыз! Облыс бойынша Конго-қырым қанды қызбасы ауруынан эпидемологиялық қолайсыз жағдай сақталуда. Бүгінгі таңға дейін 1000-ға жуық жерлесімізді кене шаққан. Жаға ұстатарлық мәліметте хабарлаған санитарлар мен дәрігерлер және ветеринария саласының мамандары табиғатқа шыққанда абай болуға шақырады.

Кенеге қарсы залалсыздандыруға әлі дәрі жоқ

Биыл улы жәндіктен жапа шеккендер саны әлдеқайда көп. ҚҰдай сақтағанда, соңы өлімге соққан жағдай тіркелген жоқ. Ал былтыр конго-қырым қанды қызбасымен 6 адам ауырып, екеуі мерт болған. Бір өкініштісі, кене шаққандар саны мыңнан асып жығылса да, әлі күнге дейін өңірдегі қора-қопсы мен төрт түлікті залалсыздандыру жұмыстар басталмаған. Дәрі жоқ дейді ветеринарлар.

Облыстағы барлық малды дәрілеп шығу үшін 232 тонна ұнтақ, 47 мың тонна сұйық дәрі қажет. Ал осы күнге дейін 7 мыңнан астам кене жинап, зертханада тексерген санитар мамандар 58 кенеден ауру көзі табылғанын айтып отыр.

Қалай болғанда да дәрі жоқ деп қарап отыруға болмайды. Сақтық шараларына өзіміз кірісуіміз қажет деген дәрігерлер кене тістеген жерлестерімізге уақыт өткізбей ауруханаға қаралуға кеңес береді. Ал ауырмайтын жол іздесеңіз, тіпті, мереке кездерінде табиғат аясына шықпаңыз дейді.

Нұрлан Жаңабай

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР