Шымкентте өрт сөндіру кезінде қаза тапқан құтқарушыларды еске алуға арналған спорт чемпионаты басталды. Іс-шараға облыстың түкпір-түкпірінде талмай еңбек етіп жүрген жасақтан құралған 19 құрама тас-түйін дайындықпен келген.
Аталған сайыстан жеңімпаз атанған команда республикалық додаға жолдама алатын болады. Екі күнге жалғасатын чемпионатта жасақтың оқыс оқиға кезіндегі іс-қимылдары да пысықталады. Өрт сөндіру барысында қаза тапқан қызметкерлердің туыстары төтеншеліктердің төтеннен келетін қайғыдан аман болуына тілектестігін білдірді.
