//
Футболдан студенттік лига ойындары басталды Спорт 

Футболдан студенттік лига ойындары басталды

Шымкентте “Көктем -2016” футболдан ұлттық студенттік лига ойындары басталды. Бұл туралы облыстық жастар саясаты мәселелері жөніндегі басқармасының басшысы Болат Жанәбіл хабарлады.

Футболдан студенттік лига ойындары басталды

Сайыстың ашылу салтанаты сағат 11:00-де Абай саябағында болды. Қазақстан тәуелсіздігінің 25 жылдығына арналған бұл жарысқа білім және ғылым вице-министрі Т.Балықбаев пен облыс әкімінің орынбасары Ұ.Сәдібековтер қатысты.

Турнирге облыстағы жоғары оқу орындарының 9 командасы қатысты. Айта кету керек, 2014 жылы құрылған студенттік лига қысқа мерзім ішінде ауқымды спорт додасына айналып үлгерді. Бүгінде республика бойынша 30-дан астам жоғары орнының командалары осы жарысқа қатысуда.

Сенбі күні екі ойын өтеді деп күтілуде. Жасыл алаңда М.Әуезов атындағы ОҚМУ-дің “Сұңқар” командасы мен Шымкент университетінің “Бүркіт” командасы кездессе, Қ.А.Яссауи атындағы ХҚТУ-нің “Яссауи” командасы АӘИУ-дің “Жігер” командасымен доп тебеді.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz