Шымкентте 9 адамды көлік қағып кетті

Шымкентте жантүршігерлік жол апаты орын алды. Аялдамада тұрған бір топ адамды көлік қағып кеткен. Соның салдарынан тоғыз адам көлік астында қалды.

Шымкентте 9 адамды көлік қағып кетті

Жантүршігерлік апат Шымкенттегі Жаңаталап елдімекенінде, №93 мектепке жақын маңда болған. Ауди көлігін басқарған 19 жастағы жігіт рөлге ие бола алмай қалып, аялдамада тұрған бір топ адамды бар екпінімен қағып өткен. Қайғылы оқиғаның салдарынан жол апаты болған жерде 4 жасар балақай көз жұмды.

Жарақат алған тағы 7 адам дене жарақаттарымен ауруханаға жеткізілді. Олардың бесеуі — оқушы балалар. Бүлдіршіндердің біреуі жансақтау бөлімінде жатыр.

Ал қалалық жедел жәрдем ауруханасының дәрігерлері миы мен бауырына қатты зақым келген 32 жастағы әйелдің жағдайы өте ауыр екенін айтады. Бір рет операция жасалған ол қазір жансақтау бөлімінде жатыр.

Бір емес, тоғыз адамды қаққан жүргізуші жүргізуші ұсталды. Оның қанында алкогольдік ішімдіктің бар-жоғы анықталуда.

Жәбірленушілердің басым бөлігі жүргізушіні танитын болып шықты. Жолда жүйткіп жүретін жігітке ауылдастары бірнеше рет ескерту де жасаған екен. Тұрғындардың жүргізуші мас емес болуы мүмкін дейді. Бірақ, көлікті қатты айдаған.

Осындағы жолға асфальт төселгелі көліктердің жүйткуі одан ары арта түскен. Бұған қоса жолдың дәл осы тұстағы бұрылысын жүргізушілер ескере де бермейтін көрінеді.

Ернар Балабеков

 

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР