Түлкібас ауданында жол апатына ұшыраған көлік өртеніп кетті

Түлкібас ауданында жол-көлік оқиғасы салдарынан автокөлік өртенді. Бұл туралы облыстық ішкі істер департаментінің баспасөз қызметі хабарлайды.

Түлкібас ауданында жол апатына ұшыраған көлік өртеніп кетті

19 мамыр күні Түлкібас аудандық ішкі істер бөліміне белгісіз азамат Алматы-Ташкент тасжолында жол-көлік оқиғасы болып, нәтижесінде автокөлік өртеніп жатқаны туралы хабар берген. Оқиға орнына барған полицейлер сағат 18.40 шамасында Алматы-Ташкент тасжолынан 635-шақырымында Тараз қаласына бет алған «Крайслер 300» маркалы автокөлігінің жүргізушісі көлік тізгініне ие бола алмай, жол жиегіне қарай ұшып кеткенін анықтайды.

Жол-көлік оқиғасы салдарынан автокөлік бірнеше рет аударылып, өртене жөнеледі. Сол жерге келген өрт сөндірушілер тілсіз жауды өшіріп тастады. Ал жедел жәрдем қызметкерлері жүргізушіге медициналық көмек көрсетті.

Полицейлер автокөлікті 1970 жылы туған жергілікті тұрғын басқарғанын анықтады. Құдай сақтағанда рөлдегі азамат жол апатынан зардап шекпеген. Ол ауруханаға барудан бас тартты.

Осы факті Түлкібас аудандық ішкі істер бөлімінің сотқа дейінгі тергеп-тексеру бірыңғай тізіміне тіркелді. Сараптама тағайындалған. Сотқа дейінгі тергеу амалдары жүргізілуде.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР