//
Шымкентте кісі өліміне күдікті ұсталды Оқыс оқиға 

Шымкент тұрғыны бөтелкелесін пышақтап тастады

Шымкенттің полицейлері кісі өліміне қатысты 23 жастағы күдіктіні ұстады. Бұл туралы облыстық ішкі істер департаментінің баспасөз қызметі хабарлайды.

2016 жылдың 5 маусымы күні сағат 07:20 шамасында Қаратау полиция бөлімінің кезекшісіне Қайнар бұлақ саяжайы көшелерінің бірінде зорлық белгілері бар 25-30 жастағы азаматтың мәйіті табылғаны туралы хабар келіп түседі.

Шымкентте кісі өліміне күдікті ұсталды

Оқиға орнына жеткен жедел-тергеу тобы марқұмның жеке тұлғасын анықтады. Ол 1989 жылы туған Шымкент қаласының тұрғыны болған. Алдын ала анықталғандай, жәбірленуші пышақ жарақатынан мерт болған. Аталған жайт бойынша қылмысты кодекстің 99-бабымен (кісі өлтіру) іс қозғалды.

Ары қарай Қаратау аудандық тәртіп сақшылары жүргізген жедел іздестіру шарасы барысында кісі өліміне күдікті ретінде 1993 жылғы азамат ұсталды. Тергеу барысында күдікті марқұммен бірге спиртті ішімдік ішкендерін айтты. Соңынан араларында ұрыс туып, қайғылы аяқталған. Полицейлер айғақ зат ретінде асхана пышағын тәркіледі.

Қазіргі таңда күдікті қамауда жатыр. Сараптама тағайындалды. Сотқа дейінгі тергеу жүргізілуде.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz