ОҚО-да «Болашақ» бағдарламасы бойынша мыңға жуық студент шетелде білім алған

Оңтүстік Қазақстанда «Болашақ» халықаралық стипендиясы құрылған 23 жылда мыңға жуық ізденуші жоғары оқу орындарындағы білімін шетелдерде жалғастырған. Өткен жылдың өзінде өңірімізден 6 жас шетелде білім алу грантына ие болса, жалпы, аталған бағдарламамен білім алып жатқан жастар саны 68-ді құрайды.

ОҚО-да «Болашақ» бағдарламасы бойынша мыңға жуық студент шетелде білім алған

Шекара асып, білім қуған жастарымыздың біразы аймағымыздың өркендеуі үшін қызмет етуде. Оңтүстікқазақстандық 183 азамат бүгінгі таңда облыстағы түрлі мекемелерде жұмыс істеп жатса, соның 12-сі мемлекеттік қызметтерде басшылық лауазымында.

«Болашақ» бағдарламасы бойынша құжат қабылдау биыл да жалғасады. Үш кезең бойынша (11 сәуір — 13 мамыр, 13 маусым — 29 шілде, 15 тамыз — 15 қыркүйек) жүргізілетін қабылдауға өз бетімен, мемлекеттік қызметкер ретінде, ғылыми-педагог қызметкер ретінде, мәдениет және шығармашылық қызметкерлері, БАҚ қызметкерлері немесе инженерлік-техникалық қызметкерлер санатында қатысуға болады.

Ал құжаттар 3 жолмен — «Халықаралық бағдарламалар орталығы» АҚ, «E-gov» электронды үкіметі және халыққа қызмет көрсету орталықтары арқылы қабылданады. Құжаттарды тапсыру талаптарын халықаралық бағдарламалар орталығының www.bolashak.gov.kz ресми сайтынан алуға болады. 

Айта кету керек, облысымыздағы 12 жоғары оқу орнында 67 мың, 90 кәсіптік-техникалық колледждерде 70 мыңнан аса, 1022 жалпы мектепте 590 мыңға жуық оқушы білім алады.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР