ОҚО-да жастар практикасы аясында 10 мың жас жұмысқа орналасты

Оңтүстікте жастар практикасы аясында 10 мың жас тұрақты жұмысқа орналасты. Бұл туралы ОҚО аймақтық коммуникациялар қызметінде өткен брифингте облыстық жастар саясаты мәселелер жөніндегі басқармасы жастармен және жастар қоғамдық бірлестіктерімен жұмыс жөніндегі бөлімінің басшысы Мұхтар Сейтжапбаров мәлім етті.

— Тәуелсіздіктің 25 жылдығында жастарымыздың барынша дамуына көптеген жағдайлар жасалынды. Мәселен елімізде жастардың жан-жақты дамуы мен әлеуметтік-экономикалық жағдайларын жақсарту мақсатында түрлі мемлекеттік бағдарламалар жасалуда. Олардың бірі — 2011 жылдан бастау алған «Жастар практикасы» бағдарламасы, — деді спикер.

ОҚО-да жастар практикасы аясында 10 мың жас жұмысқа орналасты

Аталған бағдарлама бойынша бүгінгі күнге дейін облыста 24 775 жас жұмысқа тартылып, оның 10 мыңға жуығы тұрақты жұмысқа орналасқан. Ал жыл басынан бері жастар практикасын ұйымдастыруға 1 361 жұмыс берушімен келісім-шарттар түзіліп, нәтижесінде 4069 жас жұмысқа тартылды.

Баяндамашының айтуынша, тәуелсіздік алған уақыттан бері облыс жастарының саны 200 мыңға өсті. Яғни 1991 жылы өңірде 14-29 жас аралығындағы жастар саны 502 мыңға жуық болса, биыл 767 963 жасты құрап отыр. Бұл еліміздегі бірқатар облыс тұрғындарының жалпы санымен салыстырғанда әлдеқайда артық.

Сонымен қатар, Мұхтар Сейтжапбаров студент жастардың жазғы мезгілде бос уақыттарын тиімді өткізу үшін әрбір аудан, қалада студенттік құрылыс жасақтары мен «Жасыл ел» еңбек жасақтары жұмыс жасап жатқанын айтты. Соңғы 3 жылда қайтадан жанданған студенттік құрылыс жасақтарына облыстағы 1358 жас тартылған, ал биыл бұл бағытта 500 жас жазғы еңбек етуде.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР