Оңтүстікте парламент мәжілісі қоғамдық қабылдау өткізді

Депутаттардың жазғы каникулы жалғасып жатыр. Осы мүмкіндікті пайдаланған парламент мәжілісінің депутаты Аманжан Жамалов Оңтүстікке келді. Мәжілісмен Сарыағаш, Сайрам аудандарында болып, халықпен кездесті. Ал күннің екінші жартысында Шымкент қалалық партия филиалында өткен қоғамдық қабылдауға қатысты.

Оңтүстікте парламент мәжілісі қоғамдық қабылдау өткізді

Бұл қабылдауға бес адам алдын ала жазылған. Дегенмен, мәжілісмен Аманжан Жамаловтың қатысатынын естіген арызданушылардың қатары көбейген. Солардың бірі Ақбілек Шынуреева тұрғын үй кезегіне байланысты арызын ала келіпті.

Арызды мұқият тыңдаған нұротандықтар бұл мәселенің тек заң жүзінде іске асатынын алға тартты. Қалалық тұрғын үй қатынастары бөлімінің меңгерушісі де өз жауабын берді.

Ал Самал-2 шағын ауданының тұрғыны Айгерім Бахрамова болса жер теліміне кезекте тұр екен. Ол да өзекті мәселеге қатысты жауаптылардың нақты жауап беруін қалайды.

Тұрғын үй құрылысы бойынша ОҚО республикада алдыңғы қатарда екенін атап өткен мәжіліс депутаты Аманжан Жамалов арызданушыларды сабырлыққа шақырды. Баспана кезегінде тұрғандар міндетті түрде үйлі болатынын айтты. Өйткені биыл тағы мыңдаған шаршы метр баспаналар иелеріне берілмек.

Әлеуметтік түйткілдердің орын алуына дер кезінде түсіндіру жұмыстарының жетіспейтіні негіз. Бұл көрініс тағы байқалды. Ал қоғамдық қабылдауға үміт артып келгендер уәжіміз ескерілер деген сеніммен қайтты.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР