//
Шымкентте оқу-жаттығу гранатасы табылды Жаңалықтар Оқыс оқиға 

Шымкентте оқу-жаттығу гранатасы табылды

Шымкентте сот ғимараты жанынан граната табылды. Ол оқу-жаттығу құралы болып шықты, деп хабарлады ішкі істер департаментінің баспасөз қызметі.

Шымкентте оқу-жаттығу гранатасы табылды

25 шілде күндізгі сағат 11:30 шамасында Әл Фараби полиция бөлімінің кезекшісіне суыт хабар түсті. Қоңырау шалғандар Майлықожа көшесіндегі қоқыс жәшіктерінің бірінен полиэтилен пакетке оралған гранатаға ұқсас белгісіз зат табылғаны туралы хабарлаған.

Шымкентте оқу-жаттығу гранатасы табылды

Оқиға орнына жедел жеткен полицейлер сол маңды қоршауға алып, сол аумақтағы тұрғындар мен жаяу жүргіншілерді қауіпсіз жерге көшірді. Ал саперлердің тексеру нәтижесінде табылған заттың РГД-5 гранатасына ұқсас, оқу-жаттығу құралы екені анықталды.

Бұл жайт Әл Фараби полиция бөлімінің сотқа дейінгі бірыңғай тергеп-тексеру тізіліміне тіркеліп, қылмысты кодекстің 287-бабы бойынша (қаруды, оқ-дәрілерді, жарылғыш заттарды және жарылыс құрылғыларын заңсыз иемдену, беру, өткізу, сақтау, тасымалдау немесе алып жүру) іс қозғалды. Сараптама тағайындалды.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz