Шымкенттіктер аударыспақтан Азия чемпионы атанды

Ұлттық ойындардың арасынан қарқынды дамып келе жатқан спорт түрі — аударыспақ. Осыдан екі жыл бұрын ат үстінде күресуден Азия чемпионаты өткен болатын. Араға екі жылды салып, байрақты дода Қытай елінде де жалғасын тапты. Бұл жолы да 10 елдің 50 палуаны бас жүлдеге таласты. Олардың арасында Оңтүстік Қазақстанның да спортшылары бар.

Жерлестеріміз енді кезекті халықаралық сынаққа дайындалуда

Жерлестеріміз енді кезекті халықаралық сынаққа дайындалуда

2014 жылы Астанада өткен құрлық біріншілігінде екі спортшымыз чемпион атанған болатын. Ол кезде жарысқа қатысушылар үш салмақ бойынша ғана сынға түсе алды. Ал биылғы сайыс 5 салмақ дәрежесінде өтіп, аспан асты елінде үш бірдей жерлесіміз алтыннан алқа тақты. Жарысқа қатысу оңай болмаған. Әсіресе, шекараға келгенде жылқыларды алып өту қиынға соққан.

Аударыспақ федерациясының басшысы Ермек Дәрменов та шәкірттерін құттықтауға келді

Аударыспақ федерациясының басшысы Ермек Дәрменов та шәкірттерін құттықтауға келді

 Ғани Ахметбаев, ОҚО ұлттық спорт түрлері мектебінің директоры: «Шекарадан аттарымызды алып өту мүмкін болмады. Сол себепті Қытайға барып, жаттығу барысында біздің палуандарға сай келетін жылқыларды таңдап алдық. Дегенмен, жеңіске жете алдық. Бұл біз үшін үлкен жеңіс деп ойлаймын.»

Сырым құрлықтың абсолюттік чемпионы атанды

Сырым құрлықтың абсолют чемпионы атанды

Үш чемпионнан бөлек Жанбатыр Бекмұсаев «Үздік төреші» номинациясын  жеңіп алды. Ал абсолют чемпиондыққа таласуда жерлесіміз Сырым Ізбасаров моңғолдың белді палуандарынан басым болған. Сонымен қатар Түймебек Жұмалиев, Біржан Қосалиев та алтыннан алқа тақты.

"Үздік төреші" номинациясы да шымкенттік палуанға бұйырды

«Үздік төреші» номинациясы да шымкенттік палуанға бұйырды

Енді жерлестеріміз «Ұлы дала көшпенділері» атты халықаралық жарысқа дайындық үстінде. Бұл турнир қыркүйек айына жоспарланған. Ал келесі Азия чемпионаты екі жылдан кейін Моңғолияда өтеді.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР