Түлкібас ауданы табиғи газбен толық қамтылды

Оңтүстіктің Түлкібас ауданындағы үш ауылға табиғи газ тартылды. Осылайша Түлкібас ауданы облыс бойынша көгілдір отынмен толық қамтылған бірден-бір ауданға айналып отыр. Бұл туралы ОҚО әкімінің баспасөз қызметі хабарлайды.

Қуанышты жаңалық ел тәуелсіздігінің 25 жылдығы және Астана күніне орайластырылып отыр. Ауданның таулы аймағында орналасқан Келтемашат ауылдық округінің Дәубаба-1, Дәубаба-2 және Төрткүл ауылдарында өткен салтанатты шараға облыс әкімі қатысып, жергілікті халықтың қуанышымен бөлісті.

Түлкібас ауданы табиғи газбен толық қамтылды

Бейбіт Бәкірұлы 94 жастағы жергілікті ақсақал Сұлтан Кенжебековпен бірге көгілдір отын алауын жақты, содан кейін қарияның шаңырағында болып, дастарханынан дәм татты.

Түлкібас ауданы табиғи газбен толық қамтылды

Статистика бойынша бұл үш ауылда 1500-ге жуық халық тұрады. Олардың табиғи газға қол жеткізуі үшін облыстық бюджеттен 2 млрд 14 млн теңге бөлінген.

Түлкібас ауданы табиғи газбен толық қамтылды

Жалпы ұзындығы 34,27 шақырым болатын газ құбырын «Энергоресурс» ЖШС жұмысшылар тартты. Мердігер мекеме өкілдерінің айтуынша, бұл жұмыстар 2015 жылы басталып, биылғы маусым айында аяқталыпты. Айта кеткен жөн, ауданда соңғы 5 жылда 37 елдімекенге газ құбыры тартылды.

Түлкібас ауданы табиғи газбен толық қамтылды

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР