Шымкентте егіз балалар жоғалды

Шымкентте ағалы-інілі егіз балалар жоғалды. 17 жасар жеткіншектер осыдан 4 күн бұрын, жұма күні Қабанбай батыр көшесінде үйден шыққаннан кейін қатып оралмаған. Содан ізім-қайым болған перзенттерін жалғызбасты анасы әлі күнге тапқан жоқ.

Гүлмира Садықова

Гүлмира Садықова

Гүлмира Садықованың көршілерімен бірге көше кезіп, перзенттерінің суреті бар парақшаларды аялдамалар мен көпшілік орындарға жапсырып жүргеніне, міне, төртінші күн. Айтуынша, қос перзенті, ағалі-інілі Асан мен Үсен Садықовтар жұма күні үйінен шығып кеткеннен бері әлі оралмаған.

Гүлмира Садықова, Асан мен Үсеннің анасы: «Жанымды шүберекке түйіп отырмын. Көлік қағып кете ме, әлдебір қарақшылардың қолына түсіп, олар балапандарымды атып тастай ма деген үрей бойымды билеп алды. Аман болса екен! Төрт күннен бері нәр татпадым, көшеде жүрмін, әр адамның қасына барып, сұрастырып жатырмын. Ешқандай хабар-ошар жоқ. Әл Фараби аудандық полиция бөліміне барып, арыз жаздым. Хабарласамыз, 2 сағаттан соң үйіңізге барып, балалардың жүрген жерін анықтап,  суретін алуымыз керек деп еді. Бірақ, келген жоқ, хабарласпады да. Қоңырау шалсам, тұтқаны көтермейді».

13900544_881613631944612_1740879224_n

Көз жасы көл болған анасының айтуынша, перзенттері Асан мен Үсен туғаннан жүйке жүйесі дертіне шалдыққан, ІІ топ мүгедегі. Жалғызбасты әйел бұған дейін балалары Төлеби ауданындағы арнайы интернатта тәрбиеленді дейді. Ал 2 жылдан бері осы жалдамалы пәтерді анасы және інілерімен бірге паналап жүрген олардың бүгінде дерті асқынып, өз қимыл-ишараларына жауап бере алмайтын кездері де болады дейді.

— Қаладағы жүйке жүйесі ауыратын адамдарға арналған ауруханаға талай рет бардым. Өткен айда да барып, перзенттерімді емдеу керек деген едім, орын жоқ деп жатқызбады. Сосын дәрі-дәрмек сатып алып бердім. Бірақ, еш нәтиже болған жоқ! Өзім де ІІ топ мүгедегімін. 10 күн үйде болсам, 20 күн аурухана төсегіне таңыламын. Ол кезде балаларға үлкен қызым бас-көз болады. Мемлекеттен төленетін қаржы түкке де жетпейді. Пәтерақы, ас-ауқат пен дәріге төлеймін, — дейді Гүлмира Садықова.

Гүлмира Садықованың айтуынша, қос баласы бұрын да бірнеше рет осылай жоғалып, табылған. Бірақ қай жағдайға да құзырлы орган — Әл Фараби полиция бөлімі «Есалаң жеткіншектерге жауап бермейміз» деп, бастарын ала қашады екен. Тәртіп сақшылары біз хабарласқанда да «Олар ауру балалар ғой» деп, қысқа жауап қайырды. Енді полициядан күдерін үзген ана көмекті жерлестерінен күтіп отыр. Перзенттерінің табылатынына сенеді.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР