Шымкенттіктер жылуға 149 млн теңге қарыз

Жылу борышкерлері сот алдында жауап беруі мүмкінЖылу берушілер алдағы маусымға дайындығын ширатқан. Шымкенттегі тозығы жеткен жылу жүйелерін жаңалап, құбырларын ауыстыруда. Ал «Қуатжылуорталық -3» мекемесінің қызметкерлері тұтынған жылуға ақы төлемегендермен жұмысын жалғастыруда.

Осы тұста айта кетерлік жайт, жылу берушілер тұрғындардан қарызын өндіре алмай отыр. Тиісінше, келесі жылу маусымына дайындық тұралап қалуы мүмкін.

Бүгінде көп қабатты үй тұрғындарының қарызы 149 млн теңгені құрайды. Берешегі көп азаматтардың ісі сот органдарына жолданған. Шешімге құлақ аспағандар қыста жылусыз қалуы әбден мүмкін. Себебі, жергілікті әкімдік шара көруге бел байлапты. Ал заңды тұлғалар берешектерінің 90 пайызын өтеп үлгерген.

Қарызды өтеу бойынша ұйымдастырылған рейдттер шаралар өз нәтижесін бере бастапты. Жылу берушілер Қаратау ауданы әкімдігінің жұмысын ерекше атап өтуде. Түсіндірудің нәтижесінде әкімшілік-іскерлік орталығы мен Нұрсәт-3 шағынауданының халқы 22 млн теңге қарызды өтеген. Мұндай жұмыс Еңбекші ауданында да жалғасуда.

Александр Малахов, Еңбекші ауданы әкімінің орынбасары: «Жылу бойынша қарыздарды төлету мақсатында ауданда мобильдік топтар құрылған. Олар берешегі бар әр тұтынушымен сөйлесіп, міндетті төлемдер бойынша есеп айырысуды талап етуде. Бұл бастама қарыз толық өтелгенше жалғасады.»

Жылу үшін мерзімінде төлеу бұл жылу жүйесіне сапалы қызмет көрсету мен үздіксіз жылу беруге кепілдік дейді коммуналдық сала қызметкерлері.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР