Жүктілік және сәби босануға байланысты төлемдерді рәсімдеу жеңілдеді

Аналардың жүктілікке және сәби босануына байланысты табысынан айрылған жағдайда әлеуметтік төлемдерді есептеуге қажетті құжаттар топтамасы қысқартылды. Бұл денсаулық сақтау және әлеуметтік даму министрлігі мен «Азаматтарға арналған үкімет» мемлекеттік корпорациясының бірлескен жұмысының арқасында мүмкін болып отыр.

Жүктілік және сәби босануға байланысты төлемдерді рәсімдеу жеңілдедіЕнді өтініш берген кезде әйелдерге соңғы 12 айға жұмыс орынан табыстары туралы анықтама ұсыну қажет емес. Жеке куәлігін, еңбекке жарамсыздық парағы мен банк шоты туралы мәлімет ұсыну жеткілікті. Ал жеке кәсіпкерлікпен айналысатын аналарға кәсіпкерлігін тіркеу туралы куәлік пен салықтары бойынша салыстырып тексеру акті қажет болады.

— Бұрын мемлекеттік корпорацияның жұмыскерлері автоматтандырылған ақпараттық жүйеге нақты аударылған әлеуметтік аударымдарды жұмыс орнынан берілген анықтамада көрсетілген сомалармен салыстырып, тексеретін және сәйкес болмаған жағдайда өтініш берушіге нақтылау үшін құжаттар қайтарылатын, — дейді «Азаматтарға арналған үкімет» мемлекеттік корпорациясы ЗТМО дирекциясы директорының орынбасары Серікқан Сабыржанов. — Ал казір мемлекеттік әлеуметтік сақтандыру қорынан берілетін әлеуметтік төлемдер мөлшерлерін тағайындау қағидасына енгізілген өзгерістердің нәтижесінде жүктілікке және бала босануға байланысты төлемдерді тағайындау автоматтандырылған ақпараттық жүйеде қамтылған нақты аударылған аударымдар бойынша жүзеге асырылатын болады. Жүктілігіне және босануына байланысты төлемдердің мөлшері есептелген және аударылған әлеуметтік аударымдардың дұрыстығына жауапкершілік көтеретін жұмыс берушіге тікелей байланысты екендігін есте сақтау қажет.

Сонымен қатар жүктілігіне және босануына байланысты табысынан айрылу жағдайына әлеуметтік төлемдердің мөлшері соңғы 12 айға орташа айлық табысын еңбекке жарамсыздық күнінің санын отыз күнтізбелік күнге бөлу арқылы алуға болатын еңбекке жарамсыздық (науқастанған) күнінің саны коэффициентіне көбейтумен айқындалады.

Мысалы, әйел орташа айлық табысы 95 000 теңгемен 12 ай бір ұйымда жұмыс істеді. Еңбекке жарамсыздық парағы 126 күн болса, еңбекке жарамсыздық күні санының коэффициенті 4,2-ге тең. Демек, жүктілігіне және босануына байланысты біржолғы төлем зейнетақы аударымдарын шегерусіз 399 000 теңгені құрайды.

Зейнетақы мен жәрдемақы есептеу жөніндегі кез келген мәселе бойынша кеңесті қазақстандықтар 1411 тегін нөміріне қоңырау шалып алуына болады және сұрақтарын қоя алады.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР