Жалғызбасты аналар алимент өндіре алмай жүр

мамандар алимент төлетудың жолын тапты

Жалғызбасты аналар алимент өндіре алмай жүр. «Нұр Отан» партиясы облыстық филиалының қоғамдық тыңдауына бұл жолы тиісті көмекке қол жеткізе алмаған тұрғындар келді. Табаннан тозған аналар заң қызметкерлерінің өздерінен жауап алынса дейді.

Шымкент қаласының тұрғыны Гүлчехра Сайдахметова партия қызметкерлерінің алдына туа бітті кемістікпен дүниеге келген баласын ала келіпті. Ұлының күтімі мен емделуіне жағдай жасай алмай жүрген жалғызбасты ана бұрынғы жолдасынан титтей де көмек көрмейтінін айтады. Ал сот орындаушылар алимент өндіріп берудің орнына өзін балағаттап, бетін қайтарғанын ашына жеткізді.

Дәл осындай әке қамқорлығына зәру бес баланың анасы да нұротандықтардан көмек сұрай келіпті. Бәрінің де заң қызметкерлерінің селқостығынан тауы шағылып, тауаны қайтқан. Айтуларынша, жауаптылардың өздері дер кезінде тиісті шараларға кіріспей, істің насырға шабуына себеп болуда.

Мұң-мұқтажын арқалай келген келіншектердің ендігі үміті — осы партияда. Филиал жетекшілері талап-тілектерді жіті тыңдай келе жауапты мамандарға жүктейтінін айтты.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР