Қожанов көшесіндегі жаңа асфальт бұзылып, құбыр алмастырылуда

Шымкенттегі Қожанов көшесінің жақында ғана жөнделген бөлігі қайта қазылды. Бұл — күз келгенде құбырлар жүргізіп, жылыту маусымына дайындық жасайтындардың жұмысы. Осы мезгілде қазылған жолдар, жүйені жаңалау бойынша құрылыс жұмыстарын жүргізу Шымкент үшін үйреншікті жәйтке айналды. Бюджет қаржысын тиімді жұмсау талабына қаншалықты сай тірлік екенін өзіңіз бағамдай беріңіз.

Қожанов көшесіндегі жаңа асфальт бұзылып, құбыр алмастырылуда

Темірлан тасжолы мен Аврора көшесін қосатын Қожанов көшесінде жолды жаңартудың бірінші кезеңі былтыр аяқталған болатын. Биыл екінші кезеңі қолға алынып, тұрғындар да, жүргізушілер де тегіс жолмен жүреміз деп қуанып қалған. Жолдың кеңейгені рас, алайда ол қайтадан бұзылып жатыр. Әдеттегідей, жаңа төселген асфальт қазылып, тозығы жеткен жылу магистральды құбырлары алмастырылуда.

Алдымен жылу жүйесін жаңалап, жолдың қайта жөндеуге екінші кезекте кірісу керегін қала әкімдігінің мамандары да жақсы білеміз дейді. Дегенмне, бір жұмыс бірнеше рет қайталанып, қыруар ақшаға салынған жол қайта бұзылуда. Құбырларды алмастыруға жауаптылар жылу жүйесін жаңалау ертерек жоспарланған, алайда қаржы ұлттық қордан кеш бөлінгенін алға тартты.

Әр тараптың өз уәжі бар. Алайда, бюджеттен бөлінген қаржының тиімді жұмсалуын қадағалауға кім жауапты деген заңды сұрақ туындайды. Басқа тұстарға келгенде дағдарыс, қаржы тапшылығы деп түсініктеме беретін мемлекеттік қызметкерлерге мұндай жағдайда сенім қалай артады?! Әрине, күшеймесі анық.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР