«Бал Текстиль» кілем фабрикасы «Алтын жұлдызды» иеленді

Оңтүстік Қазақстан облысында шығарылатын отандық өнім — «Бал Текстиль» кілемдері Швейцарияның Женева қаласында өткен халықаралық конвенцияда үздік сапа аталымы бойынша «Алтын Жұлдыз» (ISAQ жүлдесі) иеленді. Қуанышты хабарды ОҚО әкімінің баспасөз қызметі хабарлап отыр.

Сапа мен инновациядағы жетістіктерге қол жеткізген компаниялар мен ұйымдарға табысталатын ISAQ жүлдесін алу сынында кілем фабрикасы көшбасшылық пен ұйымдастырушылық қабілеті, сапа мен өнімділік, компанияның беделі мен нарықта тауар сатуға қолайлы орта қалыптастыруы, технология, инновация және өсім сатылары бойынша жеңіске жетіп, үздік деп танылған. Халықаралық жүлдені отандық компанияның жетекшілігіне табыстаған — соңғы 30 жылдан бері әлемнің 179 елінде әр саланың көшбасшыларын анықтап, марапаттап келе жатқан «Business Initiative Directions» компаниясы.

«Бал Текстиль» кілем фабрикасы "Алтын жұлдызды" иеленді

«Бал Текстиль» кілем фабрикасы әзірге Қазақстанда теңдесі жоқ серіктестік болып табылады. Өз жұмысын 2013 жылы «Индустрияландыру картасы» бағдарламасы аясында бастаған бұл өндіріс орны тек кілем тоқумен ғана емес, «BCF», «Heat-Set», «Frize» полипропилен жіптерін иірумен де айналысуда.

Қажетті шикізат Түркия, Бангладеш, Үндістан және басқа да елдерден тікелей жеткізіледі. Кілемдер Бельгияның жоғары технологиялық «Michel Van De Wiele» қондырғыларында тоқылады. Ал синтетикалық полипропилен жіптері Германия мен Франция елдерінен жеткізілген. «Oerlikon Neumag», «Allma Volkmann», «SUPERBA» фирмаларының заманауи құрылғыларында иіріледі.

Бал текстиль

«Бал Текстильдің» кілем және кілем өнімдерін шығару қуаты — жылына 5 млн шаршы метрден астам. Ал полипропилен жібін иіру қуаты жылына 4000 тоннаны құрайды. Бүгінде мұнда 245 адам жұмыспен қамтылған.

Бал текстиль

«Бал Текстиль» өнімдерін Қазақстанның барлық қалаларында кездестіруге болады. Еліміздегі ресми таратушылардың қатары 400 ден асқаны осының дәлелі болса керек. Сонымен қатар тұрақты түрде тапсырыс беріп, өнімдерді алатын 20-дан астам шетелдік серіктесі бар.

2016 жылы «Бал Текстиль» фабрикасы шведтік ИКЕА мен ЕЭО-тың өзге де компанияларымен келісімге келудің нәтижесінде экспорт көлемі 20-30 пайызға ұлғайды. Енді «Қазақстанда жасалған» белгісі бар кілемдерді Англия, Германия және Ресейдің ірі сауда маркеттерінен кездестіруге болады.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР