Шымкенттегі Металлургтер саябағын жаңарту жұмыстары басталды. Іргетасы 1947 жылы қаланған саябаққа соңғы жылдары көңіл бөлінбей келген еді.
Бүгінде «Жасыл қала» МКК саябақтағы ағаштарды түгендеп, қураған талдардың дөңін тазартып жатыр. Мұнда суару жүйелерін жүргізу үшін ұңғыма қазу да қолға алынған. Көгал егіліп, жас ағаш көшеттері отырғызылады дейді жауапты мамандар. Ауа райы жайлы болып тұрса жыл соңына дейін жоспарланған жұмыстарды толығымен аяқтаймыз деп отыр.
Нұрлан Жаңабай
