//
ОҚО әкімі өнеркәсіп орындарын аралады Жаңалықтар 

ОҚО әкімі өнеркәсіп орындарын аралады

ОҚО әкімі Жансейіт Түймебаев Шымкенттегі өнеркәсіп және агроэнеркәсіп кәсіпорындарын аралады. Бұл туралы облыс әкімінің баспасөз қызметі хабарлайды.

Аймақ басшысы ең алдымен облыстық кәсіпкерлерге қызмет көрсету орталығында болып, мекеменің тыныс-тіршілігімен танысты. Орталықтың  көмегімен бұл күнге дейін 108 мыңға жуық кәсіпкер кеңес алып, 27 мыңнан астам азамат кәсіпкерлік мектебін тәмамдаған. Ал қаржыландырылатын жобалар 4 мыңға жуықтайды. Кездесу барысында облыс əкімі кəсіпкерлер үшін əкімшілік кедергілерді жою үшін нақты іс шара жоспарын жасап,  ерекше қолға алу керегін тапсырды.

ОҚО әкімі өнеркәсіп орындарын аралады

Жұмыс сапары кезінде Жансейіт Қансейітұлы жалпы аумағы 89 га болатын «Тассай» индустриалды аймағында болып, жұмысын көрді. Болашақта мұнда 23 зауыт жұмыс істейтін болады. Айта кету керек, аталған аумақ Қазақстандағы ең үлгілі индустриялды аймаққа айналуға қауқары бар. Себебі мұнда кәсіпкерлерден 100% инвестиция тартылған.

ОҚО әкімі өнеркәсіп орындарын аралады

Фармацевтика, машина жасау және жиһаз индустриясы секілді салалардың кластерлік дамуына бағытталған аймақты аралаған облыс әкімі кәсіпкерлердің мәселелеріне қанығып, оны шешу жолдарын талқылау жөнінде жиналыс ұйымдастыруды тапсырды. Сонымен қатар сапалы инфрақұрылым тартуды жүктеді.

ОҚО әкімі өнеркәсіп орындарын аралады

Бұдан кейін Жансейіт Түймебаев қаладағы су сорғыларын шығаратын «Karlskrona LC AB» ЖШС мен «Azala textile» тоқыма кешенінде болды. Жылына 6500 дана тиегіш сорғы мен дистік айналма бекітпелер шығаруға мүмкіндігі бар «Karlskrona LC AB» ЖШС-нің автоматтандыру деңгейі жоғары болуының есебінен 40 адам жұмыспен қамтылған.

ОҚО әкімі өнеркәсіп орындарын аралады

Ал «Azala textile» тоқыма кешені жылына 2 824 тонна иірім жіп, 13 млн метр мата, 2 млн төсек жабдығының жиынтығы және 7 млн түкті тігін бұйымдарын өндіруге қауқарлы. Айта кету керек, тоқыма фабрикасы сынды өнеркәсіп орны елімізде әзірге жалғыз.

Өз саласында бірегей кəсіпорынды аралау барысында өңір басшысы мемлекеттік отандық өнімге мемлекеттік  тапсырысты күшейтуге нақты жұмыс жоспарын түзуді тапсырды.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz