Оңтүстіктің ұстаздары француздармен тәжірибе алмасуы мүмкін

Облыс әкімі Жансейіт Түймебаев Францияның Қазақстандағы төтенше және өкілетті елшісі Франсис Этьен бастап келген бір топ делегатпен кездесті. Өңір басшысы шетелдік қонақтарға Оңтүстік Қазақстан облысының инвестициялық мүмкіндіктері мен ауыл шаруашылығы саласындағы жетістіктерін және туризм бағытындағы жұмыстарды мәлімдеді.

Оңтүстіктің ұстаздары француздармен тәжірибе алмасуы мүмкін

Оңтүстік Қазақстан облысы Қазақстандағы халқы көп шоғырланған аймақ екенін айтқан әкім келер жылы Шымкент қаласының халқы 1 миллионға жетіп қалуы мүмкін екенін мәлімдеді. Сонымен қатар облыста уран өндіруші ірі кәсіпорындар мен мұнай өңдеу зауыты бар екенін және облыс көкөніс пен жеміс кластерінің орталығы болып табылатынын жеткізді. Ташкентпен шекаралас жатқан аудандарда қауын-қарбыз өсіріліп, шетелге, оның ішінде, Германияға экспортталып отырғанын айтты.

Оңтүстіктің ұстаздары француздармен тәжірибе алмасуы мүмкін

Сондай-ақ, индустрия саласын дамытуда облыс республикада көш бастайтынын xабарлаған әкім өңірде бүгінде 7 индустриалды және 1 арнайы экономикалық аймақтың жұмыс істеп тұрғанын атап өтіп, онда жеңіл және ауыр өнеркәсіп орындары мен тоқыма фабрикалары сәтті жұмыс істеп жатқанын мәлімдеді.

Өз кезегінде елші Қазақстан мен Франция арасындағы қарым-қатынас жыл сайын дамып келетінін айтып, туризм, индустрия және білім бағыттарында әріптестік орнатуға дайын екенін жеткізді. Сондай-ақ, мәртебелі мейман Оңтүстік Қазақстанда бірлескен жобаларды жүзеге асыру үшін тығыз байланыс орнату мақсатында Франциядағы түрлі сала мамандарының өкілдерімен арнайы келгенін жеткізді.

Кездесу барысында  Франсис Этьен Қазақстан Франциямен қарым-қатынасты одан әрі нығайту мақсатында барлық жағдайды жасап отырғанын, бұған дейін визаның ұзақтығы 15 күн болса, 2017 жылдың 1 қаңтарынан бастап 30 күнге ұзартылатынын мәлімдеді. Сонымен қатар ол Францияға қысқа уақытқа келуші қазақстандықтар үшін визасыз қатынау мүмкіндігі қарастырылып жатқанын жеткізді.

Жиын соңында өңір басшысы Қазақстан мен Франция күндеріне байланысты сол елдің өнерпаздары мен кәсіпкерлерін Оңтүстік Қазақстан облысында көргісі келетінін және осы күндер аясында француздық тауар өндірушілердің көрмесін ұйымдастыруды ұсынды. Сондай-ақ, әкім мектеп пен жоғары оқу орындарының мұғалімдерін аталған елге тәжірибе алмасуға жіберу жайын қарастыратынын айтты.

Жұмыс сапары екі күнге жалғасатын француз делегаттарға облыстың инвестициялық мүмкіндіктері таныстырылып, бірқатар туристтік және тарихи орындарға инфотур ұйымдастырылады деп жоспарлануда.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР