Шымкентте емханалар мен мектеп, балабақшаларға жылу берілді

Оңтүстікте ауа райының күрт өзгеруі Шымкент қаласын алдағы қысқа дайындық жұмыстарының тездеуіне себеп болды. Облыстық әкімдікте осы мәселеге қатысты өткен шұғыл жиыннан соң шаһардағы жеке қазандығы бар әлеуметік нысандар жылуға қосылсын деген тапсырма берілген болатын.

Шымкентте емханалар мен мектеп, балабақшаларға жылу берілді

Жылу қосылған №77 мектеп

№77 мектеп — оқушылары тоңбас үшін жеке қазандығын алғашқы болып қосқан білім мекемесінің бірі. Көгілдір отынмен жылытылатын қазандық сынып бөлмелеріне 18 градус жылу беріп тұр. Шымкент қаласында 121 білім мекемесі осылай жеке қазандықпен жылытылады. Бүгінде соның 65-і қазандықты іске қосып, жылынуға көшкен.

Шаһардағы 36 аурухана мен 12 емханада да жылу беріле бастады. Сала мамандарының мәлімдеуінше, бүгін жеке қазандығы бар бюджеттік мекемелер толығымен жылуға қосылады. Ал орталықтандырылған жүйемен жылынатын жерлестеріміз күтулеріне тура келеді. 20 қазанға дейін жөндеу жұмыстары жүргізіліп жатқан жүйелер аяқталуы тиіс.

Шымкенттің солтүстік және оңтүстік бөлігіндегі жұмыстар 100 пайыз аяқталды. Енді «Нұрлы жол» бағдарламасы бойынша төселіп жатқан 6,5 шақырым құбырлар қалды. Қазіргі таңда жылу құбырларының аяқталған бөліктеріне су толтырылуда.

Нұрлан Жаңабай

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР