Шымкенттегі «Көрме» орталығында көлік және логистикаға қатысты «Silk Way» салалық көрмесі жұмысын бастады. Республикадағы көлік және логистикалық компаниялары өздерінің қызметтері мен жабдықтарын ұсынып отыр. Екі күнге жалғасатын көрме бағдарламасына сәйкес дөңгелек үстелдер ұйымдастырылып, онда күнгейдің көлік инфроқұрылымын дамыту және логистикалық аймақ салуға бағытталған жобалар талқыланады.
Оңтүстіктің ірі транзитті хаб атануына толық мүмкіндігі бар. Батыс Европа-Батыс Қытай көлік дәлізі және облыста салынып жатқан көлік-логистикалық орталықтары өңірдің транзитті әлеуетінің дамуын қамтамасыз етеді. Бұл қадам жүзеге асса, Шымкент жоғары технологиялық және экспортқа бағытталған өнімді шығаруға мамандандырылған Қазақстандағы ірі өнеркәсіп орталығына айналмақ.
