Шымкентте терактіге қатысты сот басталды

Шымкентте терактіге қатысты сот басталдыШымкентте теракт жасауды жоспарлаған қарағандылық үш жігітке қатысты сот отырысы басталды. Тергеу органдарының мәліметіне қарағанда, олар ел аумағында тыйым салынған экстремистік ұйымдардың бірімен байланыста болған. Теракт жасау тапсырмасы осынау ұйым тарапынан берілген екен. Қолдаушылар оларға ауқымды операцияны іске асыру үшін алдымен шымкенттік бизнесменді тонауға кеңес береді.

Айыпталушылар бұл жоспардың қалай орындалатыны жөнінде есеп беріп отыру үшін видеоқондырғы мен шұғыл шығындарға деп 1000 долларды қалтаға басып, жолға шығады. Алайда, арамзалардың бұл ойы іске аспай, ұлттық қауіпсіздік комитетінің өкілдері маусым айында күдіктілерді қолға түсірді.

Қауіпті іске кіріскен үшеудің бірі жоспарды үйлестіріп отыру үшін Қарағандыда қалады. Кәсіпкерді тонауға кіріскендер бизнесменнің өзін ғана емес, балаларын да, тіпті, немерелерін аңдып отырады. Олардың біреуі қазір терроризмге үгіттеу шараларын жүргізгенін мойындап отыр. Үшеуі де бұрын сотты болған. Абырой болып, аман қалған бизнесмен белгілі себептерге байланысты бүгін алғашқы отырысқа келе алмады. Сот процесі жалғасады.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР