//
Түркістан қаласында кәсіпкерлік дамуда Жаңалықтар 

Түркістан қаласында кәсіпкерлік дамуда

«Максимум» аймақтық инвестиция орталығы ашылғалы бері Түркістан қаласы бойынша жалпы сомасы 2,9 млрд теңгені құрайтын 1038 жоба қаржыландырған. Оның ішінде 1,6 млрд теңгені құрайтын 1018 жоба «Ырыс» микроқаржы ұйымына тиесілі.

Қазіргі таңда аталмыш жобалар сәтті жүзеге асып, кәсіпкерлер еңбегінің жемісін көріп отыр. Солардың бірі «Дидар» шаруа қожалығы 3 гектар жерге жылыжай кешенін ұйымдастыру мақсатында 2014 жылы «Максимум» АИО-нан 270 млн теңге несие алған. Бүгінде кәсіпкер өнімдерін тек қана жергілікті нарық емес, Ресей еліне де экспортқа шығару арқылы жылыжайдың жұмысын жүйелі жолға қойып, біршама табыс көзіне айналдырған.

Түркістан қаласында кәсіпкерлік дамуда

Ал индустриалды аймақта орналасқан «Grand Miks» жиһаз цехы ғимаратын заманауи жабдықтармен толтыруда. «Максимум» АИО-нан 68 млн теңге көлемінде алынған несие Қытай елінен ең соңғы үлгідегі жабдықтарды сатып алуға жұмсалған. Қазіргі таңда қажетті жабдықтарын орнатып, цехтың жұмысын бастап жіберген кәсіпкердің алдағы мақсаттары айтарлықтай ауқымды.

Түркістан қаласында кәсіпкерлік дамуда

Ал ағаш өңдеу цехына 12 млн теңге көлемінде несие алған жеке кәсіпкер Нұрлан Сәулебаевқа «Ырыс» МҚҰ тарапынан қолдау көрсетілген. Кәсіпкер бүгінде өз жұмысын жолға қоюмен қатар 20-ға жуық жергілікті тұрғынды жұмыспен қамтып отыр. Несиенің несібін көріп, табыстың көзін тапқан кәсіпкер алдағы уақытта микроқаржы ұйымынан тағы да жеңілдетілген несиені алуға жоспар құрып отыр.

Түркістан қаласында кәсіпкерлік дамуда

Сонымен қатар кәсіпкер Ербол Ашабаев 3 ай бұрын ірі қара мал бордақылау және жылына 70 тонна ет өндіру мақсатында «Ырыс» МҚҰ-нан 9 млн теңге несие алып, қожалық жұмысын анағұрлым жолға қойған. Осылайша өз өңірінде мал шаруашылығын дамытуға елеулі үлесін қосуда.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz