Шымкенттегі Қауысбек Тұрысбеков атындағы қор кезекті рет қайырымдылық жасады. Қор қызметкерлері шаһардағы бірнеше дүкен және көпшілік орындарға қойылған арнайы жәшіктеріне жиналған қаржыны жұмсады. Осы ақшаға алынған азық-түлік аз қамтылған 250 оқушының отбасына үлестірілді.
Ал қор жетекшілері мұндай шараның өтуіне атсалысқан қалалықтарға алғыс білдіреді.
Айнұр Айдар, №18 мектептің социологы: «Қауысбек Тұрысбеков атындағы жеке қайырымдылық қорына №18 мектептің басшылығы атынан және коррекциялық сыныптардың тәрбиешілері атынан үлкен алғыс білдіреміз. Өйткені, бұл қордың қызметкерлері аз қамтылған және тұрмысы әлеуметтік төмен отбасыларға осылай азық-түлік беріп жатыр.»
