Қазандықтар Шымкентке шырша көшеттерін тарту етті

Оңтүстікке Татарстан астанасы Қазан қаласынан айрықша сый жетті. Облыс әкімі Жансейіт Түймебаевтың Шымкент қаласын жасыл қалаға айналдыру идеясын республикалық телеарналардың бірінен көрген аймақ басшысының Қазан шаһарындағы достары игі іске үлес қосып, тамшыдай көмек ретінде көгілдір шырша ағашы көшетінің 120 данасын сыйға тартты.

Қазандықтар Шымкентке шырша көшеттерін тарту етті

Биіктігі 4-5 метр болатын жас шырша көшеттері, негізінен, әкімшілік-іскерлік орталығының маңына, әкімдік пен «Түркістан» салтанат сарайы, Жұмат Шанин атындағы облыстық академиялық драма театрының айналасына егілді.

Жалпы, облыс әкімінің тапсырмасына сай Шымшаһарымызды жасыл қалаға айналдыру жұмыстары жалғасып жатыр. Татарстаннан жеткен шыршадан бөлек Алматы қаласынан қырым қарағайының көшеті жеткізіліп жатыр.

Жоспар бойынша Арғынбеков көшесі, Қонаев және Бәйдібек би даңғылдарына мыңнан астам көшет егіледі. Сала мамандары әр көшеттің құны 53 мыңгені құрайтынын жасырмады. Бүгінгі таңда осы көшеттің 372-сі жерсінген. Осыған қосы «Жасыл қала» мекемесі қаладағы саябақтарға 3 мың данадан астам қырым қарағайын егеді деп күтілуде. Ал Қазығұрт ауданындағы тұқымбақтан тек қарағаш көшеттері жеткізіліп жатыр. Осы уақытқа дейін шаһарымызға 36 мың түп қарағаш жеткізілген.

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР