//
Мақтаарал ауданының 7 ауыл әкімі кепілдікпен жіберілді Жаңалықтар 

Мақтаарал ауданының 7 ауыл әкімі кепілдікпен жіберілді

Мемлекет қаражатын аса ірі көлемді жымқырғаны үшін айыпталған Мақтаарал ауданының 7 ауыл әкімі кепілдікпен жіберілді. Бұл туралы облыстық прокуратураның қылмыстық процестің сотқа дейінгі сатысындағы заңдылықты қадағалау басқармасының жұмыстары қорытылған баспасөз жиынында айтылды.

Мақтаарал ауданының 7 ауыл әкімі кепілдікпен жіберілді

Басқарма басшысының сөзіне сенсек, бұл іске қатысты тергеу әлі аяқталған жоқ. Айта кетейік, шенеуніктер «Балапан» және «2011-2020 жылдарға арналған білімді дамыту туралы» мемлекеттік бағдарламаға бөлінген бюджет қаражатын қымқырған. Осылайша, қазынаға 100 миллион теңгеден астам шығын келген.

Сондай-ақ прокурорлардың ықпал ету шарасы нәтижесінде мемлекеттік кірістер департаменті өкілдерінің мұнай ұрлау деректеріне қатыстылығы әшкере болды. Айтуларынша, оларға қатысты тиісті тергеу-тексерулер жүргізіліп, қылмысты іс сотқа жолданды. Қадағалау органы өкілдерінің айтуынша, жақында сот айыптау үкімін шығарып, қызметтерін асыра пайдаланған 3 қызметкерге бас бостандығынан айыру жазасы тағайындалған.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz