//
Шымкенттің 3000-нан астам бүлдіршіні ЭСКПО көрмесіне барады Жаңалықтар 

Шымкенттің 3000-нан астам бүлдіршіні ЭКСПО көрмесіне барады

Шымкенттің 3000-нан астам бүлдіршіні жазда Астанаға барады. Осындай қуанышты жаңалықты қала әкімі жеткізді. Ғабидолла Әбдірахымов шымқалалық балақайларға жаңа жылдық мереке сыйлап, аяз ата мен қарша қызды өзімен ерте келді.

Шымкенттің 3000-нан астам бүлдіршіні ЭСКПО көрмесіне барады

Бұл кеште шырша шамы да сән-салтанатымен жағылды. Он үш жастағы Жасмин үшін бүгін ерекше күн. Бүлдіршін айтулы күнге анасы екеуі ұзақ дайындалғанын айтады. Туған әке-шешеден көз жазып қалған оны мейірімді жандар аялы алақанына басқан. Жасминнің аяз атаға жеткізуге асыққан басты арманы – ата-анам әрдайым аман болса екен дейді.

Шымкенттің 3000-нан астам бүлдіршіні ЭСКПО көрмесіне барады

Оқушылар сарайына ата-ананың қамқорлығынсыз қалған және тұрмысы төмен отбасылардан шыққан балалар жиналған. Бүгінгі шырша тойының басты кейіпкерлері де солар. Балғындарды қала басшылары да қуантып, көтеріңкі-көңіл-күй сыйлады. Ал келе жатқан жаңа 2017 жылдың иесі әтеш ЭКСПО-2017 көрмесінің алауын ортаға алып шықты.

Шымкенттің 3000-нан астам бүлдіршіні ЭСКПО көрмесіне барады

Осынау мерекені ұйымдастырған қала басшысы балғындарға ақ тілектерін жеткізді. Ғабидолла Әбдірахымов сөз соңында 3000-нан астам бүлдіршінді келер жылдың басты шараларының бірі – ЭКСПО-2017 көрмесін тамашалауға Астанаға бірге ала кететінін айтып, қуантты.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz