Жылу орталығына берілетін газдың қысымы қалпына келді

Шымкентте газ мәселесі шешілді деуге болады. «ҚазТрансГаз Аймақ» компаниясы №3 энергоорталыққа беретін көгілдір отынның көлемін көбейтті.

№3 жылу-энерго орталығыЕске салар болсақ, 9 желтоқсан күні көгілдір отын таратушы мекеме 3-энергоорталыққа тәулігіне беріп жатқан 60 мың текшеметр газдың көлемін 25 мың текше метрге дейін төмендетіп жіберген-ді. Нәтижесінде көпқабатты үйлерге берілетін жылудың сапасы төмендеп кеткен.

Ал бүгін таңертең 3-энергоорталықтан беріліп жатқан жылудың температурасы көтерілді. Сала мамандары сырттағы ауа райына байланысты бұл жылудың температурасы жақсы дейді.

Мәселенің бәрі 3-энергоорталықтың «ҚазТрансГаз Аймақ» АҚ алдындағы берешек қарызына байланысты болып тұр. Облыс әкімінің араласуымен бұл жолы да келеңсіздік уақытша шешімін тапты. Дегенмен, одан тұтынушылардың да, 3 ЖЭО-ның да көгілдір отын таратушылар алдындағы қарызы азайған жоқ.

Нұрлан Жаңабай

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР