//
ОҚО әкімінің жаңа орынбасары тағайындалды Жаңалықтар 

ОҚО әкімінің жаңа орынбасары тағайындалды

Оңтүстік Қазақстан облысы әкімінің жаңа орынбасары тағайындалды. Қазақстан Президенті әкімшілігінің келісімімен және облыс әкімі Жансейіт Түймебаевтың өкімімен бұл лауазымды енді Бауыржан Жамалов атқарады. Бұл туралы өңір басшысы кадрлық мәселе бойынша өткен мәжілісте мәлімдеді.

ОҚО әкімінің жаңа орынбасары тағайындалды

– Облыс әкімінің орынбасары лауазымы бос екені өздеріңізге белгілі. Осыған орай, Президент әкімшілігінің келісімімен облыс әкімінің орынбасары лауазымына Бауыржан Салдарұлы Жамаловты  тағайындау туралы шешім қабылдадым. Бауыржан Салдарұлы – экономика және қаржы салаларында зор тәжірибесі бар білікті маман. Түрлі қаржылық құрылымдарда байқаушы кеңестердің мүшесі қызметін атқарған. Осы тәжірибесі облыс әкімінің орынбасары ретіндегі алдағы жұмысында  үлкен көмегі тиетін  болады, – деді Жансейіт Қансейітұлы.

ОҚО әкімінің жаңа орынбасары тағайындалды

Бауыржан Салдарұлы облыс әкімінің орынбасары ретінде кәсіпкерлік, индустриялық-инновациялық даму, ауыл шаруашылығы және туризм салаларына жетекшілік жасайды. 

Облыс әкімі жаңа орынбасарына ауыл шаруашылығы саласындағы өзекті мәселелеріне терең талдау жасап, олардың шешілуін қамтамасыз ету, облыстың әлеуетін ескере отырып кәсіпкерлік пен туризмге жан-жақты қолдау көрсетіп, дамуға ықпал жасау, инвестициялар тартуды, индустрияландыру   картасының  уақтылы және сапалы атқарылуын ұйымдастыруды тапсырды.

Бауыржан Салдарұлы Жамалов 1971 жылы 27 шілдеде туған. Білімі жоғары, инженер-механик – технолог, заңгер мамандықтарын игерген.

Еңбек жолын 1993  жылы Шымкент қаласында  бизнес саласында бастаған. Ұзақ жылдар кәсіпкерлік саласында еңбек етіп, басшылық лауазымдарда мол тәжірибе жинаған. Бүгінге таңға дейін «Мырзакент-Холдинг» жауапкершілігі шектеулі серіктестігінің директоры болып еңбек етіп келді. Алтыншы шақырылымдағы облыстық мәслихаттың депутаты болып сайланған.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz