Шымкентте 110 жасаған әже тұрады

Шымкентте ғасырдан ұзақ жасаған кейуана тұрады. Гүлчечек әже биыл 110 жасқа келіп отыр. Қария екі ғасырда талай тарихи оқиғалардың куәсі болғанын айтады.

Шымкентте 110 жасаған әже тұрады

Соғыс жылдары Кавказдан жер аударылып келген әже колхоз председателі Жүніс Оразовтың шаңырағын екі інісімен паналайды. Жеңісті жақындатуда күндіз-түні еңбек етіп, майданға шұлық тоқып жібереді. Кеңес үкіметі кезінде совхозда жұмыс істеп, жары Ирза Ахмедовпен ұл-қыздарын ер жеткізген. Бүгінде әженің үлкен қызының өзі 90 жасқа жуықтап қалды. Соңынан ерген немере-шөбере, шөпшектерінің өзі 100-ге жуықтайды.

Хане Ахмедова, келіні: «Апа осы кезге дейін ауырып көрген жоқ. Дәрі ішпеген. Үш келіні бірге тұрады. Күтімі жақсы. Етті, балықты жақсы көреді. Тынбай кіріп-шығып жұмыс істейтін.»

Абай ауданында 1700-ден астап тыл ардагері, 27 Ұлы Отан соғысының ардагері тұрады. Аудан әкімі тыл ардагері Гүлчечек әженің туған күнімен құттықтап келіп, сый-сыяпатын көрсетті.

Ахмет Татыбаев, Абай ауданының әкімі: «Ауданда тыл ардагері, зиялы қауым өкілдерін дәстүрлі түрде құттықтап тұрамыз. Ауданда тылдың 1700, Ұлы Отан соғысының 27 ардагері, 3 жесір қалған ана бар.»

110 жылдың қысында туған күнін атап өткен әже еліміздің тыныштығына тәубе етіп, Құдайдан бейбітшілік күнді тілеп, батасын берді.

Шымкентте 110 жасаған әже тұрады

Айгүл Керімқұлова

Пікір қалдыру

Алғашқы болып пікір жазыңыз!

Маған хабар беру:
777
wpDiscuz
Журналисттің авторлық бағанасы

Тұрмысы жұпыны, қылмысы аз Ащысай ауылы…

TweetЖер асты байлығымен әлем назарында тұрған Қазақ елінің қазыналы өлкесі көп. Солардың бірі — Кентау қаласынан 50 шақырым жерде орналасқан Ащысай ауылы. Кезінде бүкіл одақты полиметалл кенімен қамтамасыз еткен ауылдың бүгінгі жағдайы мүшкіл. Ауыл азаматтарының басым бөлігі бас сауғалап, өзге өңірлерге көшіп кеткен. Ал елде қалғандары екі қолға бір күрек таппай жүр. Ауыл шаруашылығын дамытуға […]

ЖАҢАЛЫҚТАРДЫ ҚАРАП ЖҮР