Шымкентте су есептейтін қондырғыларды ұрлауға қатысты күдіктілер ұсталды. Қаратау полиция бөлімінің қызметкерлері ұстаған 2 күдікті 23 және 22 жастағы Төлеби ауданының тұрғындары.
Тінту кезінде олардан тәртіп сақшылары 500-ге жуық су есептегіш құралын тапты. Күдіктілердің осы әрекетінен халыққа 2 миллион теңгеден астам шығын келіп отыр. Жас жігіттер ұрлаған есептегіш құралдарын қала базарларында арзан бағада сатып, ақшасын өз қажеттіліктеріне жаратып отырған.
Қазір қылмысты кодекстің 188-бабымен іс қозғалды. Айғақты заттар тәркіленіп, тергеу амалдары басталды.
