Оңтүстік Қазақстан облыстық төтенше жағдайлар департаментінің қызметкерлері кезекті ауқымды өрт сөндіру-тактикалық жаттығуларын «Фиркан-сити» сауда кешенінің аумағында өткізді. Шартты өртті жылдам сөндіріп, адамдарды қауіпсіз жерге көшіруге 200-ден астам маман жұмылдырылды.
Бұл оқу-жаттығуда мамандар 6 техниканы пайдаланды. Мұндай оқу-жаттығулар барысында құтқарушылар басқа да әріптестерімен төтенше жағдайдың алдын алуға машықтанады. Оның үстіне «Алматы-Тауэрс» сауда кешеніндегі өрттен кейін мұндай жағдайларда күш біріктіру қажеттігіне басымдық берілуде.
