Жаңалықтар 

Еліміздегі ең үлкен ескерткіш Шымкентте бой көтереді

Шымкентте жақында республика бойынша ең биік ескерткіш ашылмақ. Бәйдібек биге арналған, басқа ешқандай өңірде жоқ монументті орнату жұмыстар қызу жүріп жатыр.

Жаңа ескерткіш қойылып жатыр

Жұмысшылар ескерткіштің бір бөлігін кран арқылы көтеріп, тұғырына қойып жатыр. Толық біріктірілген соң еліміздегі ең алып монумент болады. Жұмыстың қиыны сол — дайын тұрған тұғырына ескерткішті түп-түзу орнату керек. Өйтпеген жағдайда мәрмәр тасқа зиян келіп, бүлініп қалуы мүмкін.

Ескерткіштің биіктігі — 10 метр, салмағы — 9 тонна. Яғни, Қазақстан бойынша теңдесі жоқ. Бір қарағанда Рио де Жанейродағы әлемге әйгілі монументке ұқсайды. Сол ұқсастықтың да себебі бар.

 

Бақытжан Әшірбаев,облыстың бас сәулетшісі

Бақытжан Әшірбаев, облыстың бас сәулетшісі:«Келешекте осы қойылып жатқан ескерткіш жаңа қаланы алақанында ұстап тұрғандай болады. Оң жағында әкімшілік орталығы болса, сол жағында тұрғын үйлер болады.Өзі шығысқа қарап тұратын ескерткіш қаламыздың көрнекті орнына айналады. Қаламызды өз қамқорлығына алып, бата беріп тұрғандай күйде тұрады монумент. Бұл жер қалаға қарағанда 200 метрдей биіктеу.Қойған жерін бізде 4 метрге көтердік.Ертеңгі күні оның бәрі гүлге оранады. Астындағы тұғырнамасының өзі-9 метр. Ал мүсіннің өзі 10 метр. Бәрін есептеп шыққанда ескерткіштің өзі-25 метр, оған өзінің 200 метр биіктігін қоссаңыз, 225 метр болып отыр. Қаланың үстінен көрінетін алып ескерткіш болады».

Жақын арада Бәйдібек биге Шымқала алақандағыдай анық көрінеді. Тарихта ел бірлігін сақтап, әділдікті ту еткен билердің бірі — осы Бәйдібек баба болатын. Авторлар да осыны ескерсе керек, жаңадан бой көтеретін шағынауданның биік жеріне орнатуға бел буыпты.

Жоба авторлары болашақта Бәйдібек би ескерткіш орнатылған тұс қаламыздағы ең көрнекті орынға айналады деген сенімде.

Related posts

Пікір қалдыру

1 пікір - "Еліміздегі ең үлкен ескерткіш Шымкентте бой көтереді"

Маған хабар беру:
777
Іріктеу::   соңғыларын | алғашқыларын | танымалдарын
Құрметті Отырардың ұлтжанды журналистері! Бәйдібек бабаның ескерткішіне 1356-1419 жылдарды көрсетіп, Ақсақ Темірдің «замандасы» етіп көрсетуге жол бермеңіздерші. Ол қазақ тарихына деген мазақ болады. Бар болганы 600 жылдай уақттың ішінде осыншама тайпа (албан, суан, дулат, сары уйсун, шапырашты, ысты, ошакты) адамды өрбіту мүмкін емес, оған Найман ішіндегі Қызай қыздан тараған ұрпақты қосыңыз Бәйдібектің тарихын түркі дәуірінен, 7-8 ғасырлардан іздеу керек. «Домалақ ана- қожаның кызы» деген аныздын ізімен Байдібекті Амір Темірдін замандасы етіп кателікке жол берген Еркінбек Турысов деген жергілікті жазушы, Шойбек Орынбай да озінін Толе би туралы «Кайгы заман» деген романында осы сарыннан шыга алмай калган. Өткен замандарда қазақ хан-билерінің тарихын… Ары қарай оқу »
wpDiscuz