27-наурыз – халықаралық театр күніне орай биыл 80 жылдығын атап өткелі отырған облыстық Жұмат Шанин атындағы қазақ драма театрының ұжымына көптеген құттықтаулар келіп түсті. Соның арасында ерекшесі – сахна ұжымына ізгі тілек Парламент сенатының төрағасы Қасым-Жомарт Тоқаевтан келген хат.
Қазір театр ұжымы сәуірдің 2-8-ші жұлдызы аралығында өтетін дәстүрлі «Театр көктемі 2014» облыстық кәсіби театр фестиваліне дайындық үстінде. Шара аясында облыс театрларының ұжымы Шымкент қаласындағы өнер ордаларында сахналық көріністерді қоятын болады.
