Жаңалықтар 

Дүлей дауылдың зардабы жойылуда

Облыстың өзге аудандарына қарағанда Шымкент қаласына желдің кесірінен мол шығын келген. Бұл туралы облыс әкімдігінде құрылған комиссияның төрағасы Сакен Қаныбеков баспасөз мәслихатында жариялады.

облыс әкімінің орынбасары

Сакен  Қаныбеков, облыс әкімінің орынбасары: «Тоқтаусыз соққан желдің салдарынан облыста 13 нысанның, оның ішінде 8 білім беру, 1 денсаулық сақтау, 1 көпқабатты үй,  3 көпшілік мәдени нысан бүлінді. Бүгінге дейін 5 нысан қалпына келтірілді.»

Айта өтейік, шаһарда жүзден аса тал құлаған. 107 электр желісі істен шығып, бүгін барлығы қайта жөнделген. Тұрғындарға біртіндеп жарық берілуде. Табиғаттың тосын мінезі тудырған олқылықтардың орнын толтыру үшін облыста 600 адам мен 64 техника тәулік бойы қызмет етуде. Ал мектептерде, жел басылса, ертең сабақ қайта жалғасады.

Сонымен қатар облыс әкімінің орынбасары электр қуаты мен газбен қамту саласында орын алған олқылықтардың жойылғанын жеткізді. Жел тоқтағаннан кейін қалпына келтіру жұмыстарының бір апта ішінде аяқталатыны, шығын көлемінің есептеліп жатқаны да брифинг барысында айтылды.

Related posts

Пікір қалдыру

Алғашқы болып пікір жазыңыз!

Маған хабар беру:
777
wpDiscuz