Баланың бабын таба бiлейiк. Елiмiздiң бас педиатры Зәуре Оспанова Шымкентке келген сапарында осылай дедi.
Бұл, әсiресе, емханалар мен ауруханаларға қатысты деген ханым «Нұрсәт» шағынауданындағы №3 қалалық емханада болып, ондағы балаларға арналған ойын бөлмелерiн көрді.
Педиатрдың сөзінше, бөбектерді емханаларға әкелгенде олардың жағдайы болмай, жылайтын кездері көп болады. Бұл, тиісінше, баланың дұрыс ем-дом алуына кедергі келтіреді екен. Әрі сәбидің балалық құқы бұзылады дейді маман. Сондықтан оның көңілін аулар осындай бөлмелер көп болмағы ләзім.
[youtube]https://www.youtube.com/watch?v=swnbC2bxRnU[/youtube]
Мұндай ойын залдары облыстағы барлық емханалар мен ауруханаларда бар. Тіпті, шалғай ауыл аймақтағы емханаларға да орналастырылып жатыр екен.
Зәуре Оспанова, БШАЫЖ бағдарламасының республикалық координаторы: «Бала бекерге жыламайды. Сондықтан оның көңілін түрлі нәрсемен алаңдатып, ауырсынуын ұмыттыру керек. Айтпағым, мұндай ойын бөлмелері өте керек. Мұның анаға балаға қалай қарау керектігін түсіндіру кезінде көмегі орасан.»
