Мерейтойлық медаль

Бүгін өңірімізге Ұлы Отан және тыл ардагерлеріне арналған меретойлық медальдар мен ленталар жеткізілді. Шымкент қалалық әлеуметтік бастамалар мен жұмыспен қамту орталығы мекемесінің мамандары әзірге сый-тартуды аудан бойынша бөліп, реттеп жатыр.

IMG_9091

29 сәуірден бастап әкімдік қызметкерлері ардагерлердің үйлеріне барып, сый-сияпатты тапсыратын болады. Мерейтойлық медальдің саны – 7299. Мекеме қызметкерлері мұны мектеп оқушылары және демеушілердің көмігімен 9 мамырға дейін үлестіріп үлгеретіндеріне сеніп отыр.

IMG_9136

IMG_9095

Бұдан бөлек жомарт жандардың қаржысына ҰОС ардагерлеріне арналған костюмдер де тігіліпті. Мұны естіген бірқатар ардагерлер сыйды алу үшін қалалық жұмыспен қамту орталығына өздері келуде. Бірақ, мекеме мамандары ардагерлерге мұнда келіп, кезекке тұрудың қажеті жоқ екенін ескертеді. Себебі әрбір ардагерге тиесілі медаль мен киім мекенжайы бойынша бірнеше күннің ішінде жеткізілмек.

IMG_9122

Мерейтойлық медаль

Жамбыл Байғонов, Шымкент қалалық жұмыспен қамту орталығы және әлеуметтік бағдарламалар бөлімінің басшысы: «Мерекелік медаль тапсырудан бөлек 9 мамыр қарсаңында Ұлы Отан соғысының ардагерлеріне, «Ерен еңбегі үшін» медалімен марапатталған тыл ардагерлеріне және жауынгерлердің жесірлеріне қала әкімінің қатысуымен салтанатты дастархан жайылады. Шымкент қаласынан Мәскеудегі шеруге бір Ұлы Отан соғысының ардагері Қаратай Төлебеков  қатысады. Астана қаласындағы шеруге екі бірдей Ұлы Отан соғысының ардагері – Айтжан Бекназар мен Абылай Қазыбаев арнайы бармақ.»