Қазығұрт ауданына қарасты 64 ауыл 2018 жылы көгілдір отынмен толықтай қамтылады. Бүгінде тек 13 елдімекен ғана табиғи отынға қол жеткізген. Биыл 31 ауылды сол санатқа қосу үшін қыруар жұмыс атқарылыпты.
Болатбек Қыстауов, Қазығұрт ауданының әкімі: «Аудандағы 64 елдімекеннің 42-сі ауызсу жүйесімен қамтылған. Оның ішінде 16 ауылдың халқы 24 сағат бойы ауызсу ішеді. Қалған 26 ауылда су қорының жетіспеуінен 24 сағат бойы су беруге мүмкіндік болмай отыр. Бірінші кезекте су құбыры жоқ 19 елдімекеннің, екінші кезекте қолданыстағы су құбырларын қайта құруды қажет етеді. 11 ауылда жер асты су қоры бекітілуі тиіс».
Сондай-ақ, ауданға қатынас та жақсарып келеді. Яғни, жол жөндеу жұмыстары республикалық, облыстық және аудандық бюджет есебінен жөнделіп жатыр. Ал ауыл ішіндегі көшелерге шағыл тас төселіп, бірқатарына асфальт салынған.