Шымкент қаласы Полиция Департаменті Әл-Фараби АПБ-ның қызметкерлері еріктілермен бірлесіп, төтенше жағдайға байланысты профилактикалық жұмыстарды жүргізуді жалғастырып жатыр. 
Полиция қызметкерлері мен еріктілер көшеде топтасып тұрған және медициналық бетпердесіз жүрген адамдармен профилактикалық сұхбат жүргізіп, қауіпті дерттің қатерін қосымша түсіндіруге көшті. Тұрғындарға аса қажеттілік туындаған жағдайда ғана болмаса, үйден шықпауға кеңес беруде. Сондай-ақ, көшеге шыққанда сақтық шараларын қолданып жүру керектігін еске салды.
Мөлдір Бекеева
