Қазақстан астық экспортын ұлғайтады

41

Қазақстан астық экспортын ұлғайтады. Бұл туралы вице-премьер, сауда және интеграция министрі Серік Жұманғарин мәлімдеді. Үкімет кулуарында журналистер министрден бидай экспортталатын елдер тізімі жаңа мемлекеттермен толықты ма деп сұрады.

«Кеше мен Пәкістан және Иранмен жиналысқа дайындалдым. Президент Самарқанда Пәкістан және Иран басшыларымен кездесу өткізіп, нақты тапсырмалар берді. Келесі аптада біз сөйлесеміз, ол жерде астық жеткізу ғана емес, көлік логистикасын кеңейту, сауда-экономикалық ынтымақтастық бойынша үкіметаралық комиссиясының жұмысын оңтайландыру, кешенді мәселелер талқыланады», – деді Жұманғарин.
Айтуынша, министрліктің экспорт бойынша жоспары үлкен.
«Себебі менің алдымда шикізат емес экспортты екі есе ұлғайту міндеті тұр», – деді вице-премьер.
Жұманғарин қазір Қазақстанда астық жеткілікті екенін, фермерлерге пайда табуға мүмкіндік беру үшін 10 қыркүйектен бастап бидай экспортына тыйым алынып тасталғанын атап өтті.