Газетіміздің өткен нөмірінде хабарлағанымыздай, Оңтүстікте «Саясаткер әйелдер клубы» құрылып, оған алғашқы легте 250 қыз-келіншек мүшелікке өткен-ді. Содан бері редакциямызға хабарласқан оқырмандар «ол клубты кім басқарады?» деп сұрауда.
Анықтағанымыздай «Саясаткер әйелдер клубын» облыстық мәслихаттың депутаты, кәсіпкер келіншек Рәшкүл Жәлелқызы Оспанәлиева басқарады. Оның орынбасары болып Құралай Бекенова сайланды.
Айта кету керек, қарашаның 21-23 күндері аралығында Астанада ІІІ Еуразиялық әйелдер форумы өтеді. Біздің облыстан сол форумға 35 адамнан құралған делегат қатысады деп күтілуде.
