Блогқұрылтайшылар Оңтүстікте бас қосады

«Блогқұрылтай-2013» биылғы жылы шырайлы Шымқаламызда өтетін болып шешілген еді (23-24 наурыз). Үйлестірушілер тобы дайындықты бастап та кетті. Сенбі күні бас қосып, арысы шетелден, берісі еліміздің барлық аймағынан ат арылтып келетін қатысушылардың көңілінен қалай шықсақ екен деп бас қатырды. Ұйымдастырылатын жерді белгіледі.

"Айтабер" сайтының белсенді қолданушысы Көркем пікірін білдіруде
«Айтабер» сайтының белсенді қолданушысы Көркем пікірін білдіруде

 

"Эппл Син" компаниясының директоры Нұрлан Құлымбетов блогқұрылтайды тау бөктеріндегі демалыс орындарының бірінде ұйымдастыруды ұсынды. Көпшілік тарапынан да қолдау табатынына сенім білдірді. Ал ОҚО әкімінің баспасөз қызметкері Амангелді Құрметұлы биылғы блогқұрылтайдың өтуіне облыс басшыларының да қолдау көрсететінін жеткізді
«Эппл Син» компаниясының директоры Нұрлан Құлымбетов блогқұрылтайды тау бөктеріндегі демалыс орындарының бірінде ұйымдастыруды ұсынды. Көпшілік тарапынан да қолдау табатынына сенім білдірді. Ал ОҚО әкімінің баспасөз қызметкері Амангелді Құрметұлы биылғы блогқұрылтайдың өтуіне облыс басшыларының да қолдау көрсететінін жеткізді
IT маманы Берікбол Жарылқасын да жиынды табиғат аясында өткізуді қолдады
IT маманы Берікбол Жарылқасын да жиынды табиғат аясында өткізуді қолдады

[youtube]http://www.youtube.com/watch?v=Pk_c_8e0DzU[/youtube]

Блогқұрылтай – қазақ тілді интернеттің қолдану аясын кеңейтіп, жастарды жаңа технологиямен еркін жұмыс істеуге үйретіп, қазақ контентін көтеру, жалпы интернет саласында жүрген мамандардың  қызықты әрі пайдалы жобаларына қолдау көрсету мақсатында ұйымдастырылады.

270958_286099721513588_536939064_nБұған дейін мұндай шара 2011 жылы Алматы қаласындағы КИМЭП университетінде,

Алматы. "Блогқұрылтай-2011"
Алматы. «Блогқұрылтай-2011»

былтырғы жылы Астана қаласындағы Назарбаев университетінде өткен болатын. Оған  қазақ интернетінің белсенді қолданушылары: блогшылар, интернет журналистер, IT мамандары қатысып, өзара тәжірибе алмасып, келесі мәселелерді талқылаған еді.

Астана. "Блогқұрылтай-2012"
Астана. «Блогқұрылтай-2012»

Енді биыл біздің Оңтүстік өңірінде өткізу жоспарланып отыр. IT-мамандары, журналистер мен жаңа медиаға қызығатын барлық достарды осы іс-шараға белсенді қатысуға шақырамыз.