Оңтүстік Қазақстан және Жамбыл облыстарында қарлы боран мен жолдың нашар көрінуінен жол қозғалысына шектеу қойылды. Бұл туралы ҚР Көлік және коммуникация министрлігінің баспасөз қызметі хабарлады.
2013 жылдың 4-қаңтары күні таңертеңнен ауа райының күрт бұзылуына байланысты (қар, боран, жолдың нашар көрінуі) Оңтүстік Қазақстан облысындағы «Алматы-Ташкент-Термез» жолының «Жамбыл облысы шекарасы — Машат асуы» учаскесінде барлық автокөліктердің қозғалысы тоқтатылды.
Айта кету керек, 3-қаңтардан бері облыстағы Шаян — Ақтас және Шаян — Ағыбет бағытындағы жолда көлік қозғалысына шектеу қойылған.
[youtube]https://www.youtube.com/watch?v=txyg3U8F9Cc[/youtube]
