Бір алтын және күміс медаль. Оңтүстік боксшыларының халықаралық турнирдегі және Азия біріншілігіндегі өнер көрсетуінің нәтижесі осындай.
Жеңімпаздар қатарында Біржан Жақыпов пен Айбек Ерметов бар. Оларды облыстық бокс федерациясының өкілдері мен Қазақстанның бокс құрамасының бас жаттықтырушысы Мырзағали Айтжанов құттықтады. Былғары қолғапшылар халықаралық турнир мен Азия біріншілігінде жүлдегер атанды.
Қазақстанның чемпионы Біржан Жақыпов өзінің шеберлігін шетелде де дәлелдей алды. Ол Германияда өткен жарыста алтыннан алқа тағынды.
Ал Филиппенде өткен Азия чемпионатында біздің жерлесіміз — Айбек Ерметов 91 келіге дейінгі салмақ дәрежесінде жұдырықтасып, күміс жүлдені ұтып алды.
Айта кету керек, Азия біріншілігінде Қазақстанның бокс құрамасы 4 алтын және 1 күміс жүлдені жеңіп алды. Осылайша боксшыларымыз жалпыкомандалық есепте бірінші орыннан көрінді.
[youtube]http://www.youtube.com/watch?v=Cvz2JVTMP1I[/youtube]
