Табиғат тылсым мінез танытуда. Ұйытқып тұрған құйынның салдарынан Қазығұрт ауданындағы Жаңабазар ауылы зардап шекті. Қатты тұрған дауыл әп-сәтте тыныш жатқан ауылдың астан-кестенін шығарған. Оны мына кадрлардан көруге болады.
Секундына 19 метр жылдамдықпен соққан дауыл Жаңа Базар ауылындағы 30-дан астам отбасын шатырсыз қалдырған. Сонымен қатар, 49 қора-қопсы мен дүкен, қызмет көрсету стансасының шатырын жұлып кеткен. Баспаналардың терезелері шағылып, тұрғындар әбден үрейленген.
Бүгінде аталған ауылда келтірілген залалдың мөлшерін анықтау мақсатында арнайы комиссия құрылып, қалпына келтіру жұмыстары жүргізілуде. Ол үшін 613 шатыр жабынғысы, 300 метрдей рейка ағаштары жеткізіліп, 6 арнайы мамандандырылған топ жұмылдырылды. Қазығұрт ауданының әкімі Болатбек Қыстауов ауылдағы жағдайды өз көзімен көріп, желдің салдарынан шатырлары зақымданған барлық отбасыларға көмек көрсетіліп, жағдайлар жасалатынын жеткізді.
[youtube]http://www.youtube.com/watch?v=Mc5iRPBCEiU[/youtube]
